اخبار تونس
موقع كل يوم -أنباء تونس
نشر بتاريخ: ٢٤ نيسان ٢٠٢٤
في تدوينة نشرها على حسابه الخاص بصفحات التواصل الاجتماعي بالفايسبوك، أعلن الأستاذ المحامي محمد علي بوشيبة بما يلي:
'قضت الدائرة الجناحية ( 8 ) بالمحكمة الابتدائية بتونس بخطية مالية ( 500د) في حق نسيم بن سلامة.. يعني نسيم اليوم يروح مالحبس… # الكاريكاتور موش جريمة… # حرية التعبير خط أحمر….'.
و كان الأستاذ بوشيبة قد دون يوم أمس ما يلي:
'مع الاسف… اليوم زرت نسيم بن سلامة في الحبس..( للتذكير نسيم هو رئيس المصلحة الي حطوه في الحبس خاطر برتاجا تصويرة َ كاريكاتير لملك متع دولة عربية) اليوم كي قابلتوا و شفت الحالة النفسية الي كان عليها… كيفاش َمتاثر ..كيفاش غايضتو روحو خاطر َملوح في الحبس على جرد برتاج… كيفاش نادم على كل فرصة جاتوا بش يغادر البلاد هاذي و ما خرجش… اليوم بعد َما حكيت معاه تاكدت من حاجتين
1 _ انوا نسيم انسان متخلق برشا.. مثقف يحب بلادو.. و كيف اي شاب تونسي حلم انوا تونس تنجم غدوة تكون خير..
2 _ زدت تأكدت الي احنا نعيشوا في بلاد اسهل حاجة فيها هي انك دمر شاب و تحطملوا مستقبلو… بلاد اكثر باب مفتوح فيها هو باب الحبس… بلاد َمصححة تقريبا على كل المعاهدات المتعلقة بالحريات العامة و الخاصة اَما التطبيق يجيبوا ربي… بلاد المسؤولين متاعها النهار الكل يقولوا انو الحق في التعبير مضمون و هي حاطة مواطن في الحبس علي برتاج متع كاريكاتير… نسيم جلستوا غدوة و محال على معنى الفصل 86 من مجلة الاتصالات يعني من اجل جريمة الاساة للغير عبر الشبكة العمومية للاتصالات..!! شكون الغير ما نعرفوش!!؟ الحاجة الوحيدة الي نعرفوها الي احنا في بلاد المسؤولين متاعها ينطبق عليهم قولة ' يقولون ما لا يفعلون…' مسؤولين يتحدثوا على حرية التعبير و مساندة القضية الفلسطينية…. اما في الواقع الي يتكلم و الا يساند يحطوه في الحبس.. الله غالب هذا حالنا اليوم..!! هذا وين وصلنا..!!
# سيب نسيم… يزوا مالظلم… # جاهزون…'.
